圍爐食盆菜 王宗堯：新一年要身體健康 齊齊整整

堂食，就好似空氣一樣，冇嘅時候先覺得珍貴。新年將至，一家人聚埋食團年飯係一件開心嘅事，但堂食解禁又遙遙無期，外賣盆菜返屋企慶祝似乎係一個唔錯嘅選擇。

今集《喱週》有王宗堯帶大家去到申子居酒屋試食佢哋嘅日式盆菜。呢個盆菜有別於傳統，食完個湯底仲可以攞嚟整埋個日式雜炊，就好似粥底火鍋咁！今次係佢哋第二年推出盆菜，反應唔錯，仲已經截埋單，大家想支持佢哋嘅仲可以買佢哋嘅便當㗎！

盆菜好唔好食係其次，最重要嘅係同咩人一齊食。王宗堯就同埋幾位朋友，齊齊整整，喺同一個地方，兌現上年嘅承諾，一齊食返餐團年飯。