大埔$68芝士豬扒飯日賣50碗 老闆：最想街坊食得開心

疫情沒完沒了，想出街食個飯都唔得，要喺呢個市道創業開餐廳就更加難，真係少啲決心都唔得。 今次《喱週》同大家介紹一間位於大埔嘅牛肉專門店 — 牛脾氣。佢哋雖然打正旗號賣牛肉，但最好賣嘅竟然係豬，就好似佢哋嘅「吉列芝士豬扒飯」咁，一日可以賣到四、五十碗。 唔好以為老闆謝先生係做廚出身，佢曾經做過銷售、企街賣寬頻、倉務、金融等等，但對入廚經驗就更加係零，謝先生就話：「間舖開嘅時候都一額汗，冇正式一個廚房，冇一個識斬嘢、切嘢、炸嘢，全部都由零學起。」