石塘咀一人餐廳 店主：我覺得香港仲有機會

疫情嚴峻，香港人面對一波又一波難關，又點會唔傍徨無助。前面條路雖然難行，但有位後生仔就偏偏喺疫市下開餐廳，仲要係一人餐廳。顧名思義，一人餐廳就係由一個人主理，買食材、廚房、樓面、收錢、洗碗乜都自己做。

餐廳賣嘅食物款式唔多，老闆形容餐廳係一個自由嘅地方，「可以將想法喺度表達出來。」所以舖頭放滿佢收藏嘅露營用品同玩具。依家咁嘅市道，點會有錢賺，不過老闆對前景仲有信心，「追夢一定困難，香港係一個令人夢想破滅嘅地方，亦係成就好多人夢想嘅地方，我覺得呢度仲有機會。」