大埔茶餐廳向長者派飯 老闆：有我一日就繼續有飯派

香港嘅茶餐廳通街都係，有連鎖、有傳統，不過今日就帶大家認識一間有善心嘅新派茶餐廳 ＠benben廚房。老闆逢星期三都會派飯俾老人家同埋幫老人家義剪頭髮，為嘅就係回饋一班當年為香港打拚嘅香港人。
呢幾個月相信大家都食唔少外賣，老闆為咗唔想大家嘅外賣錢轉嫁畀外賣app，每一單外賣都自己親自送上門，希望客人消費幾多就食足幾多，真心愛錫大埔嘅街坊！