新蒲崗日賣400碗粉麵老店 21歲樓面紋店名上身紀錄主僕情

香港嘅粉麵店成行成市，一星期點都會食到一兩次，今次就推介多一間新蒲崗四十年隱世粉麵店俾大家。餐廳嘅筋腩四寶銀針粉，由四款唔同嘅丸類、餃類同埋秘製筋腩組成，仲有唔係好多地方有得食嘅銀針粉，最高峰一日試過賣幾百碗！
餐廳雖然係老字號，但係依家主要都由21歲嘅樓面阿煒打理，佢同老闆情同父子，加上虛心學習，所以老闆都好信得過佢，將餐廳交俾佢打理，阿煒亦都喺手上紋咗餐廳個名，記念呢份難能可貴嘅主僕情。