九龍城全素食無味精餐廳 老闆：對味精敏感而開

香港人放lunch通常都快快趣食個頹飯就繼續做嘢，但係頹飯為求飽肚，多數都係多澱粉質多肉，仲要多味精，令大家腸胃都唔多好。今集就帶大家殺落九龍城，食一間無味精無色素嘅素食餐廳，等大家嘅腸胃休息吓。

老闆本身對味精敏感，加上坊間嘅素食好多都落勁多味精，於是決心開一間無味精嘅素食餐廳，令大家食素食嘅時候都唔會吸收過多嘅味精。而且餐廳崇尚自然，堅決唔用未來肉或者合成肉類，用蔬菜話俾每位客人知，大自然嘅食物都可以做到大家想要嘅口感同味道。