今集《To Do List》繼續有盧覓雪挑戰做跳唱歌手拍攝《豐乳肥臀》MV ！製作組決定幫Michelle執執個造型，準備好「豐乳」同埋「肥臀」部分，未跳得都睇得下先呀嘛！
到咗正式拍攝當日，似乎唔係幾順利咁喎？正所謂「踏破鐵鞋盧覓雪，欣宜全不費功夫」！連Joyce都要用一個月嚟排練嘅舞步，雪雪得兩個星期，真係可以做到？即刻去睇最新一集《To Do List》，一齊見證雪雪Baby奮鬥之路！
今次邀請咗曾參與《豐乳肥臀》嘅專業Dancer Jolin幫Michelle特訓，加埋3位男Dancers之外，仲有女團 EOS一齊參與MV，一齊見證雪雪今次努力成果！
