君悅紅褲仔炮製 紅磡$55海南雞飯每日限賣150隻

海南雞飯同些粉一樣，通街都係啦，有咩好介紹？放心，我哋又點會介紹啲普通嘢俾你，今集《喱週》就帶你去全紅磡最出名嘅海南雞飯—勇記海南雞，老闆勇記喺君悅酒店廚房出身，為咗保持每隻海南雞質素，每日只造百五隻，手快有手慢無！

如果想幫襯就要留意啦，勇記為咗唔想影響旁邊嘅舖頭做生意，決定開下晝３點至８點半，人龍仲係兩點幾就開始排，想食嘅朋友記得自己預時間啦！