母親獨撐茶餐廳養家 兒子：感謝媽媽令我成為好人

今次同大家介紹位於柴灣興華邨嘅興華茶餐廳，呢度啲雞脾嘅魔力唔係同你講笑！雞脾生炸，皮脆肉嫩，最高峰更試過一日賣200隻。 茶餐廳已經有44年歷史，25年前由珍姐接手嚟做，當時佢老公不幸患上肝癌，佢老公希望佢可以靠呢間茶餐廳養大個仔。一個女人又要睇舖又要湊仔的確唔容易，珍姐就話：「成日覺得阿仔缺乏父愛，所以想俾返雙倍嘅愛佢。」 今個母親節，阿仔就自製心意卡送俾媽媽，佢話：「感謝佢令我成為一個好人。」