老火湯餃子店零負評 老闆：每日賣二三千隻

唔知大家細個有無同屋企人包餃子呢？不過就算有，而家大個咗，個個掛住返工搵食，都未必有時間同屋企人包。今日就帶大家去一間家庭式經營嘅餃子店，搵返小時候嘅味道。 呢間餃子店無論煎餃定湯餃都同樣出色，老闆話：「每日基本上賣到二至三千隻。」你就知佢啲餃子幾有水準啦，除咗餃子之外，餐廳仲有日式芝士蛋糕賣，而且仲係流心，個個客人都必點㗎。