觀塘一人藥膳麻辣火鍋 王宗堯：啲湯飲到有果香

今年香港嘅冬天特別凍，直頭令人心寒！寒，唔緊要，可以去打個靚邊爐，起碼令個胃暖番啲。男神王宗堯今次帶大家去觀塘嘅「六両三·台灣食堂」，除咗食牛肉麵、滷肉飯呢啲台灣地道美食之外，仲試埋啱啱先推出嘅一人一鍋台式邊爐，配番個冇味精、以蔬果熬製嘅藥膳麻辣湯底，灼幾片和牛後腿，淥轉足料花枝丸，最後食埋入味鴨血同油條，真係夠晒飽。

覺得出街食飯唔安心？呢度都有火鍋配送服務，一齊喺屋企圍爐取暖，希望2022年大家好好過啦！