又到聖誕，又到聖誕～係咪仲未諗好去邊度食聖誕大餐呢？年年都係煎扒，你煎唔厭，你隔籬嗰個都食到厭啦！今集《喱週》我哋有Renee帶大家去到一間位於銅鑼灣謝斐道嘅西班牙餐廳 Tapa room，仲入埋人哋廚房，落手落腳親自下廚，即刻睇下廚房嘅慘況啦！
Tapa room 提供一系列以 sharing plates 為主題嘅西班牙 tapas 小食，貫徹西班牙人熱愛分享嘅飲食文化。而今次Renee就試食咗幾道招牌菜，包括有西班牙薯仔蛋餅、香煎鵝肝·脆包·紅酒梨片、巴塞羅拿式烤紅蝦以及西班牙海鮮鍋飯等等……除咗食物之外，店內環境舒適裝修型格，非常適合同埋另一半或一班朋友食嘢吹水～
